Երկաթ գծի կայարան

Մաս առաջին

Ծրագրի սկիզբը կայարանի շենքից է։ Դեռ ռուսական կայսրության ժամանակներից Ալեքսանդրապոլը խոշոր երկաթուղային հանգույց էր և դա ազդել է քաղաքի վրա։ 1970-ականների վերջին կառուցված շենքը սովետական ճարտարապետության հրաշալի օրինակ է և այս վայրի հետ կապված կան բազում պատմություններ, որոնք մեզ պատմել է շենքի ճարտարապետ Ռաֆիկ Եղոյանը։ Դուք կիմանաք, թե որ միջնադարյան կառույցն է ոգեշնչել Վարպետին կառուցել առանց սյուների դահլիճը կիմանաք կայարանի շենքի պղնձապատ գմբեթի պատմությունը, ման կգաք կառամատույցով համեմատելով այն հին նկարների հետ և կպատմենք թե ինչու էին Ռաֆիկ Եղոյանը և դարբին Հովհաննես Մադոյանը նստել կայարանում կախված ջահի վրա և շամպայն բացել։

Բարեկամություն” շատրվան

Մաս երկրորդ

Լենինականյան վայրերով շրջագայությունը կշարունակվի “Բարեկամություն” շատրվանով։ Խորհդային մոդերնիզմի այս հրաշալի օրինակը կա ճարտարապետության բազմաթիվ դասագրքերում ու հավաքածուներում։ Երկրաշարժից առաջ այս երկաթյա գեղեցկուհին գտնվում էր քաղաքի ծայրամասում, խիտ բնակեցված թաղամասի զբոսայգում։ Շատրվանի մոտ դուք կգնահատեք բնական արհավիրքի հետևանքները, կիմանաք թե ո՞վ նոր համբավ բերեց շատրվանին մեր օրերում և ինչու էին լենինականցիները պոլիտեխնիկական ինստիտուտը անվանել “չոլիտեխնիկ”։

“Բարեկամություն” այգի

Մաս երրորդ

Որպիսզի ծրագիրը չլինի միայն անցյալի կամ տծուր օրերի մասին, մենք ձեզ ցույց կտանք Գյումրիի ապագան։ “Բարեկամություն” սև շատրվանից հետո կուղևորվեք դեպի նոր կառուցվող “Բարեկամության” այգի։
Այս զբոսայգին խոստանում է լինել տարածաշրջանում ամենա ժամանակակիցը և դառնալ քաղաքի զարգացնամ համար նոր խթան։ Այգին նախագծվել առաջատար տեխնոլոգիաներով և ուռբանիստիկայի վերջին պահանջներին համապատասխան։ Այստեղ ստեղծվում է ոչ թե սովորական այգի, այլ ճիշտ զոնավորված, ժամանակակից տարածք և գյումրեցիների և հյուրերի համար։ Առանձնապես հետաքրքիր կլինի, եթե դուք տեսնեք դեռ կառուցվող այգին հիմա և արդեն մի քանի տարի հետո կկարողանաք համեմատել կատարված փոփոխությունները, հիշողության մեջ ունենալով “առաջ և հետո” տպավորություններ։

Անի թաղամաս՝ 58

Մաս չորորդ

Գյումրիի այս թաղամասը շատ է տարբերվում ցանկացած հայկական քաղաքից, որովհետև ոչ թե տուֆաշեն է, այլ կառուցվաշ է երկաթ-բետոնից։ Երկրաշարժից հետո մարդիկ մտածում էին ոչ թե գեղեցկության, այլ միայն անվտանգության մասին և այժմ Անի թաղամասի շենքերը համարվում են Գյումրիում ամենաապահովն ու թանկարժեքները։ Այստեղ կայցելեք նորակառույց Հակոբ Մծբինեցի եկեղեցի, նաև կպատմենք ձեզ այս թաղամասի մասին բազում հետաքրքիր փաստեր։

Ավստրիական թաղամաս

Մաս հինգերորդ

Անի թաղամասի հարևանությամբ է Ավստրիականը։ Այն նույնպես կառուցվել է 19887 երկրաշարժից անմիջապես հետո, ավստրիացիների կողմից։ Այս թաղի քոտեջները․․․ պենոպլաստից են։ Երբ այն կառուցվեց թաղամասը համարվում էր տեխնոլոգիական հրաշք և քաղաքի բնակիչները գալիս էին տեսնելու եվրոպատուհանները, Bosch տեխնիկան տներում, ամբողջությամբ ապակյա դռները և այն ժամանակների համար արտասովոր այլ բաներ։ Ես ինքս սովորել եմ այս թաղի դպրոցում, գիտեմ ապրող մարդկանց և կպատմեմ և պատմությունը և սեփական հիշողություններ Ավստրիական թաղամասից։